صَدكْ ياوَطنْ وَياكْ هاي الناسْ ........ والقائد رسُولكْ وإحنه أتباعَه ... !

أبو أحمَد الحَداد المَسعودي

أريدَكْ ياوَطنْ بدموع هَلْ الأيتامْتحضنْ كُلْ عراقي المُخلصْ الكاعَه

وأريدَكْ ياوَطنْ كَمريَه تضوي إبليلْتفضحْ كُلْ دخيلْ وتكطَع ... إذراعَه

وَأريدَكْ ياوَطنْ مَتنامْ وإنته إبظيمْيخسَه الي يُظلمَكْ حَيف ... طركاعَه

وَأريدَكْ ياوَطنْ تتعافه للكلفاتْبيكْ المَرجَله والزُودْ ... وشراعَه

بيكْ إنزامُط ْ اليحجونْ بالزيناتْلئَنْ إنته الوجودَكْ واجبه.. الطاعَه

وإنته من الوَسيعَه الكاعْ والأنهاروعيُونكْ خضارْ ، الخارطَه إبداعَه

وإنته إويَه الجبالْ إتغازلْ الوديانْوإتسُولفْ مَحبَه الكُلْ شتلْ.. كاعَه

صَدكْ ياوَطَنْ وَياكْ هاي الناسْوالقائدْ رَسُولكْ وإحنه ... أتباعَه

نحسَه إبكُلْ شبرْ وَياكْ يزرَعْ جُودْوبجَفه الأمانْ إبدنيَه ... بَشاعَه

ندري إحنه إبرُكُنْ يتعادَلْ إبإيمانْحُبَكْ ياوَطنْ ينذاعْ ... سماعَه

بَسْ إنته العَزيزْ وديريتكْ ديوانْوالدَله إبمَضيفكْ هيَ ... مذياعَه

العراقْ إتعايَشْ إبشريانْ طيبْ الذاتْوإتماشه إبحدُودَه : إنسُورَه فزاعَه

أريدَكْ ياوَطنْ كُلْ وَكتكْ إبهَلْ الصيتْنغمَه إبكُلْ نفسْ مَعزوفه إيقاعَه

حَلاتكْ من أشوفكْ تجمَعْ الخلانْوإنشودَة خلودَكْ جَرَسْ .. للساعَه

تغنيها الطبيعه إبنسمَة الأشجارْوطيُورْ البَراريْ : إتهيمْ هَراعَه ..

تمت ولله الحمدهولنده2009م

كُتبت الى كُل وفي وأبي من أبناء الوطن الغالي العراق الحبيب !

اشترك في قناة وكالة انباء براثا على التلجرام
https://telegram.me/buratha