جمال المذحجي
البصره وما ادراك ما البصره ؟ام النخيل والطيبه العراقيه الاصيله (حيي يابر راح يبيع فييل وشفته كاعد حدر اليسر من التعب)(بلفظ الجيم ياء) هذه لغة البصريين الاصلاء اهل الطيبه والنخوه والحياء المفرط.غادر العراق مظطرا منذ مجيء البعث السيء الصيت للسلطه عام 68 ولحين سقوط الصنم على يد قوات الاحتلال2003 اكثر من اربع ملايين عراقي انتشروا في كل بقاع الارض حتى وصلوا الى نيوزلندا في اقاصي الكره الارضيه,ومن لم يكن محظوظا او لظروف خارجه عن ارادته كانت هجرته الى ايران لقرب المسافه والى غيره من الامور المتعلقه بالمواطن .بعد السقوط بدء العراقيين شيئا فشيئا يعودون الى وطنهم الام العراق الغالي (خرجوا مظطرين وعادوا مخيرين للوطن الام الذي فراقه ادمى قلوبهم وابيضت شعورهم حزنا على فراق الغالي .من هؤلاء الاربع ملايين مهاجر العشرات هم موظفين في دوائر الدوله ابوا ان يركعوا للطاغيه انذاك.وبعد السقوط وتشكيل وزارة الهجره والمهجريين استبشر المهاجريين خيرا بهذه الوزاره ,ولكن وهنا تسكب العبرات والاهات عند باب هذه الوزاره ودوائرها الموقره في محافظات العراق كافه والبصره خاصه نتيجة الارتفاع الحاد في درجة الحراره هناك؟؟!!دائرة الهجره والمهجريين في البصره تتعامل مع القادميين بوجهيين :1-القادم من ايران له الاسبقيه وله كل الحق وتسهل اموره واوراقه ولايجب ان ينتظر ولا دقيقه خارج الدائره بل يدخل من الباب الخلفي لتنجز معاملته ومع فائق الاحترام والتقدير وهم الممنونين!!!؟؟.2-القادم من اوربا وامريكا وغيرها فعليه الانتظار في العراء وتحت الشمس الحارقه ويراجع من خلال نافذه صغيره للنساء والرجال معا .ويوجد فقط موظف واحد وكمبيوتر واحد واذا انقطع التيار الكهربائي تغلق النافذه وانتظروا الى ان ترجع الكهرباء او تعالواباجر احسن ؟؟!!استاذنا العزيز مدير الهجره في البصره المحترم ليش الدوله ما انطتك مولدة كهرباء ,وما خصصوا الكم ميزانية للوقود ؟!لو المولده تزعج حضرة جنابكم المحترم والحر وازعاج المراجعيين فوكها ومرتك لازم مدوختك بطلباتها التعجيزيه ؟؟!!.الاحسن تسد النافذه والموظفين هم عدهم اشغال يرحون يكظونها خو مو لزكه هاي الوادم اللي لازميين الباب ,(عساهم ما ردوا ).استاذنا عندك حديقة حركتها ونتيجه للحر والهواء الساخن يتطاير رماد الحديقه على المراجعيين ,واعتقد بالامكان لو اجرت جادر او اشتريت جادر وقمت بتسقيف الحديقه وجعلت خيمه على الحديقه تحمي المراجع من الشمس وما بيها شي لو خليت جم كرسي للشياب والعجائز لان هذوله اهلنا مو جايين من القمر او المريخ واهلك بدربهم راح يحصلون من وراك الف رحمه ورحمه وما ينسبون ولا تنسب عشيرتك وكل كرايبك؟؟!!مو مو صحيح استاذنا المدير انت والموظفين اللذين يعملون بمعيتك.واذا كان اكو نقص بالكادر فماشاءالله العاطليين تارسيين الشوراع وشهاداتهم مو مزوره من سوك مريدي جايبينها!!؟اذا الموظفين العامليين ما يعجبهم الناس القادميين من امريكا واوربا ولايرغبون في تقديم الخدمات لهم (يااخوان عملكم حصلتم عليه نتيجة وجود هذه الاعداد من العراقيين في الخارج والا العراق مو بحاجه الى وزارتكم الموقره وجان جنتوا انتم هسه ويا ربعنا اللي واحدهم شهادته اكبر من البسطيه اللي مفترش بيها شوارع العراق من الفاو وحتى زاخو.مديرنا المحترم :هل تعلم ان امراة عراقيه كانت في طابور الانتظار يوم الاحد المصادف 12 /7/2009 قادمه من السويد لتنجز معاملتها سقطت مغشيا عليها وتلاحقتها عراقيه حتى فاقت وذهبت المراة الى بيتها بخفي حنين لان كادركم المحترم يكن الاحترام لكبار السن والنساء ؟؟!!الى متى يبقى البعير على التل ؟؟؟الى متى يبقى العراقي المظلوم طول عمره يسمع كلمة باجر وتعال عكب باجر لان كبل جان عدنه يوم واحد عطله رسميه وهسه صار عدنه يومين خل يستفادون الاخوه الموظفيين المحترميين في دائرة هجرة البصره؟؟!! ومو بس هاي لا من تنطفي الكهرباء هم الجماعه يلزمون التبليط لان وراهم اشغال والدائره معطلتهم؟؟؟اخونا مدير البصره خاف الله انت وربعك ,ترى لاتنسون الطاغيه هم جان هيجي وتعرفون وين صار مصيره ,واذا نسيتوه اتذكروا محافظ البصره السابق الاستاذ والدكتور والخبير الاستراتيجي بالمشاريع الخدميه التي قدمها لاهالي البصره الكرام ؟؟؟!!!السيد( محمد مصبح الوئلي ) اشهر من نار على علم من الخبراء باللغف وتعبية الجيوب ؟! اذا نسيتوا اخوان هذوله الناس باول انتخابات الشعب سربتهم للزباله لان ما يصلحون خدام عند شعبنا المظلوم ؟ والعاقل يكولون ياخذ عبره؟؟؟انا اعرف جيدا هذه السطور لن يقراها شعبنا في الداخل نه مشغول بظروف الحياة ولكني اسجل هذه الحروف للتاريخ وامام الله لتبرئة الذمه يوم الحساب وعسى ولعل احد المسؤولين في الحكومه او مكتب السيد رئيس الوزراء ان يطلعوا عليها ويتم ايصالها الى الاخ ابو اسراء ويساعد على كشف مظلومية العراقي.؟؟
اللهم احفظ العراق والعراقيين من الظلم وكل سوء.اللهم اشهد اني بلغتوللحديث بقيه عن دوائر اخرى في البصره .جمال المذحجي البصره 12/7/2009هيوستن /تكساس
https://telegram.me/buratha