المقالات

خلي أضحكك وياي..!


 

باقر الجبوري ||

 

انت مديون لايران بملايين الدولارات عن تجهيز المحافظات الجنوبية بالكهرباء !!

( صح ) لو ( لا ) ... هي هم عايزة تگول لا !!

هسه من يجي واحد يسولف بهاي السالفة يگبون الوطنيين ويگومون يهوسون عليه ( بفلوسنة .. لاخلفة الله على ايران )

هم ميخالف وايران صابرة عليك .. باعتبار انت شيعي !

واكثر من مرة طالبوك بيهن !!

حقهم ! هم عدهم وطنيين مثلنة يريدون فليساتهم !!

وانت تصيح ياناس انطيناهم والله انطيناهم وانطيناهم !!

وطلعت سوالفك كلهن چذب !

ويصرح وزير الكهرباء مامعتازين كهرباء منهم راح نجيب من عمامنه السعودية والامارات ومشيتوهن علينة سوالف الربط الخليجي وربط الكهرباء وي مصر ومن هذا الشلخ والملخ مالكم !!

وتاليها رجعت واتفقت وإيران !

تنطيهم حنطة ويطوك كهرباء !!

(( چا )) هم خوش ايران گالت !

وعلى گولة المثل ( خليك ورة الچذاب لحد ما ينطيك الحنطة بل الكهرباء ) وعلى أساس احنة دولة الصين العظمى ونشتغل بنظام ( الحنطة بدل الكهرباء ) والسنة الجاية ان شاء الله راح نشتغل بنظام ( البيض بدل الكهرباء ) !

أي طبعاً .. احنة عدنة اقتصاد حنطاوي بيضوي !!

وهم ميخالف ( رضينة بالحنطة والحنطة ما رضت بينه ) !!

بس تعال حاچيني .. يمعود سولفلي !

اذا انت ما عندك فلوس توفي بيهن ديون ايران !

ولاعندك رواتب لموظفيك !

وتريد تفرض ظرائب !

واستقطاعات !

ولغيت التعيينات والنقل بين الوزارات !

وگصيت رواتب رفحا !

والحصة صارت زفت ( حشه نعمة الله )

وزيدت سعر صرف الدولار  !!

وتريد تبيع ممتلكات الدولة ومنشآتها !

وتصيح وما تستريح (( يمعودين عدنه أزمة مالية ))

وعندك وزير المالية ( يهدد ) بالاستقالة اذا قرر البرلمان يرجع سعر صرف الدولار وانت تصيح هذا مو من حق البرلمان !!

وصايرة ( مكافش ) من الروس !!

وشدوا روسكم يا گرعان !!

أدري ( چا ) إذا كل هالسوالف الغمة عندك !

( چا ) ليش تنطي للاردن ولمصر 100 الف برميل نفط ابلاش وتبيعلهم الباقي طگة ناقص (( - ١٨ )) !!

بس خل نفتهم !

يعني على اساس مصر والاردن صدك انطتك كهرباء لو شدولك معمل لو بلطولك شارع لو عمرولك مجاري لو دزولك بضاعة ابلاش لو دزو دوة ابلاش لو فتحولك مستشفى جديد لو ملعب جديد ( شوف شلون ذكرتني بملعب السعودية ) !!

لو عالاقل دزولك فشگ ( طلقات ) بيوم طلابتنه وي داعش !!

يعمي والله ما صايرة !!

ادري غير نفتهم شنهي السالفة وشني شجاي يصير !!

هسه من تحچيه للعالم هم يضحكون عليك !

وتاليها يطلعلك واحد مثل عادل امام ويگلك ( اتريد انجازاً أم انجازاً تريد ) ! أي عمي أتريد انجاز .. وليش هذا مو انجاز !!

يا أنجاز عمي رحمة لحبوبتك ..

احنة صايرين مثل سالفة ( من لحم ثورة وطعمه ) !

ياهو اليجي يثرد بلحمنه ونهوسله رحمة لوالديك !!

ادري شوكت تهتز الشوارب ..

الله يساعدك يالفقير .

(( هاي .. شني .. هاي )) تدرون حسبالي اسم واحد صيني !!

طلع دعبول جاي يستغرب من الحالة !!

والله ما ادري .. شني هاي

تحياتي .



اشترك في قناة وكالة انباء براثا على التلجرام
https://telegram.me/buratha
المقالات لا تعبر بالضرورة عن رأي الموقع
اضف تعليقك
الاسم والنص والتحقق من الروبوت ضروري
التعليقات
رسول حسن..... كوفه
2021-03-25
هم تعال اضحكك وياي جا مو طلعت ايران توديلنه انتحاريين يكتلون الشيعه جا مو واحد بعثي زار الرضا سلام الله عليه ومن باس الشباج صاحو عليه الخدم لاتشرك يحاج لاتشرك يحاج...... صدك.. جذب والله طلعت من ماعونهه.
الاسعار الرسمية للعملات مقابل الدينار
دينار بحريني 3846.15
يورو 1724.14
الجنيه المصري 92.76
تومان ايراني 0.03
دينار اردني 2040.82
دينار كويتي 4761.9
ليرة لبنانية 0.96
ريال عماني 3846.15
ريال قطري 400
ريال سعودي 389.11
ليرة سورية 1.16
دولار امريكي 1449.28
ريال يمني 5.82
التعليقات
ابراهيم العرامي : كتابات الاستاذ هاشم علوي مسجل عام جامعة اب تزيدا مزيدا من العزة واكرامة ونفتخر بوجود كتاب وسياسيين ...
الموضوع :
اليمنيون يحتشدون باليوم الوطني للصمود وقادمون بالعام السابع
زيد مغير : حينما يذكر اسم الاردن امامي اتذكر مجزرة ايلول الاسود الذي قتل فيها 120 الف شاب مسلم بالاتفاق ...
الموضوع :
وزير الزراعة العراقي يستخف بعلم بلاده..!
رسول حسن..... كوفه : هم تعال اضحكك وياي جا مو طلعت ايران توديلنه انتحاريين يكتلون الشيعه جا مو واحد بعثي زار ...
الموضوع :
خلي أضحكك وياي..!
احمد الدوسري : شكرا للعاملين في المنافذ الحدودية شكرا الي الأستاذ كمال الشهم مشهود له الشجاعه والكرم.اخوكم احمد الدوسري من ...
الموضوع :
احباط محاولة تهريب اكثر من 300 مليون دولار اميركي من منفذ طريبيل
رسول حسن..... كوفه : دوله حضاريه حديثه عادله ثلاث مفاهيم الحضاره... الحداثه... العداله هل يوجد الان دوله في العالم جمعت هذه ...
الموضوع :
ألواح طينية، أصحوا يا بُكمٌ..حتى لا نكون كالذين سادسهم كلبهم..!
سيد حيدر ال سيديوشع : الوقوف الى جانب القضية الفلسطينية واجب انساني ، واجب ديني ، واجب إسلامي ضعيف من يقول غير ...
الموضوع :
هل يجب مساعدة فلسطين؟!
احمد جاسم : فساد اداري ومالي بكل دوائر الخالص وبلتعاون مع القائم مقام الضريبه كله رشاوى يله تكمل المعامله والضربه ...
الموضوع :
هيئة النزاهة تضع الخط الساخن للكشف عن حالات الفساد الاداري والمالي وشكاوى المواطنين
رسول حسن..... كوفه : جزاك الله خيرا سماحة الشيخ الباحث الكبير في القضية المهدوية على هذه التوضيحات المهمه واكرر طلبي لسماحتك ...
الموضوع :
في منتدى براثا الفكري .... البيئة الاجتماعي وخارطة المواصلات كمحددات فاعلة لتشخيص هوية اليماني الموعود
رسول حسن..... كوفه : اما اصحاب القرار بخفض قيمة الدينار هم اغبياء او انهم يرون غباء الشارع العراقي او لا.. بل ...
الموضوع :
ردّوها إن استطعتم..مبرِّراتُ رفع سعر الدولار باطلةٌ وهذا ردُّنا
رسول حسن..... كوفه : ايران اذا هددت نفذت واذا نفذت اوجعت فديدنهم الفعل وليس الانفعال اقول مابال من يقتل ضيفهم فيهم ...
الموضوع :
وزير الدفاع الإيراني يتوعد... "سيتلقون الرد على هذا العمل الشنيع"
فيسبوك