احمد لعيبي
سؤال دائمآ يوجهه لي البعض..
زين الاجانب عدهم حصة معفنة تجي كل شهرين بالقطارة..
ابو المولدة مطفي عليهم وأبو الخصخصة واكف فوك روسهم..
مفترين صيدليات السعدون على عصارة وحب ضغط لان ماكو بمستشفيات الدولة ..
نايمين بمستشفى حكومي الطوارئ مالته عبالك مصلخ..
عدهم ابن مسؤول مسيطر عالسماء وسكرتيرة مسؤول مسيطر عالارض...
حايرين بأقساط الثلاجة والمبردة والصوبة..!
متعاركين كل شهر وي ابو الايجار لان راتبهم متأخر..!
عدهم ناشط ينحكم ست سنوات ومسؤول يطلع بغرامة ٢٠٠دينار وهو بايك فلوس بكد ميزانية الصومال...
عدهم مجادية تارسين التقاطعات بدون رداد ...!!
عدهم برلمانيين واحدهم ما عنده رصيد عائلته تنتخبه وخشمه مايكصه السيف...!!
عدهم وزير عقود وزارته لصالح جماعته اكثر من شهداء بلده..!!
عدهم شرطي مرور يضرب الإشارة ويمشي رونك سايد ويحاسب الناس اللي يسون مثله...
عدهم ملاهي وبارات اكثر من دور الأيتام...!!
عدهم تجار يتحكمون بالقرار السياسي والأمني للبلد اكثر من قادته الامنيين والسياسيين...!!
شالعه كلوبهم التاتا والكيا والسايبا...!!
عدهم برلمانية فلوس التاتو مالتها بيهن مستوصف للفقرة..!!
عدهم برلمانية تجعر ليل ونهار عبالك سعلوة...
يستوردون طماطه وبصل وخس ولهانه وقرنابيط ومي مقطر...!!
حايرين بالنفط بالشتا وبالماي بالصيف...!!
عدهم عباس وناهده وعتاب وصباح ومطشر...
عدهم مسؤول ينحكم اعدام ووراها يبرأونه و يصير قائد ..!!
عدهم اغنية اسمها راحتي النفسية ولطمية اسمها الزهرة تكول عينني يانسوان...!!
عدهم كروب يهاجم الدولة وجيشها وحشدها ووراها يصيرون بأعلام الدولة وعلى قمة مؤتمراتها...!
عدهم ٣٠مليون نخلة ويستوردون تمر من الامارات..!!
عدهم ناس تسمي البتيتا الاصابع فنكر والانسان المتعفف فكَر ...!!
عدهم مسرح نص ابطاله راقصات وممثلينه الرواد يموتون من المرض والجوع والفقر ..!!
عدهم موظفين ايفاداتهم للخارج اكثر من خدمتهم بدوائرهم بالدولة...!!
عمي طركاعتنا اكبر من حلوكنا للضحك...!!
https://telegram.me/buratha
