واصلت صحيفة "اليوم السابع" المصرية نشرها تسجيلات صوتية للرئيس المخلوع حسني مبارك يبدو انه تم تسجيلها دون علمه. وتناول مبارك في التصريحات التي يبدو انها سجلت دون علمه وعلى فترة طويلة بدأت قبل ثورة الثلاثين من يونيو، العلاقة مع الإمارات وقطر ويقول آراء صريحة عن العلاقة مع قطر كما يذكر كيف كانت العلاقة مع الإمارات والشيخ زايد.
فقال فيما يخص تنحي الشيخ حمد بن خليفة آل ثاني عن الحكم لصالح ولي عهده تميم بن حمد آل خليفة والتخلي عن رئيس الوزراء حمد بن جاسم حسب ما اوردت اليوم السابع:
- مبارك: «الشيخة موزة مبتحبوش.. هتسيبه شوية وهتشيله لأنه الدلدول بتاعهم - وهو لفظ شعبى دارج يدل على أنه شخصية تابعة وليس مستقل الإرادة فى القرارات-».. ويتابع مبارك: «أنا كنت راكب معاه العربية مرة وقولتله إنت حرامى الدوحة».. فقاطعه الدكتور: «ده على حمد؟!».. أجاب مبارك: «أه أنا كنت مسميه كده».. فيستفسر الطبيب: «طب الأمير مخليه ليه طالما هو حرامى ومش مبسوطين منه؟!!».. يجاوب مبارك: «دى مسألة وقت وكلهم كده.
وفيما يخص موقف قطر بعد 30 يونيو والإطاحة بحكم محمد مرسي والإخوان من مصر.. يقول مبارك: «الخليج كله واقف معانا ما عدا الملعونة قطر».. فيرد طبيبه: «والله دول إمبارح بعتولنا شحنة غاز».. فيرد مبارك: «ما يبعتوا.. دول ولاد ...بيصرفوا على الإرهابيين».. يرد الدكتور: «ده كفاية قناة الجزيرة.. كويس أوى حضرتك مبتشفش الجزيرة.. دى يعنى حاجة قميئة، كلها كذب.. ده فى أول يوم فى فض اعتصام رابعة يقولك 1200 قتيل، والعيال بتوع الإخوان مابيشوفوش غير الجزيرة».. يرد مبارك: «لا أنا مبشوفش الجزيرة.. خليهم يجيوا هنا.. مش هيشوفوا حاجة خالص».
وفي مفاجأة جديدة كشف مبارك أن الرئيس الليبي السابق معمر القذافي وصلت ذروة خلافاته مع الملك السعودي عبدالله بن عبد العزيز إلى تأجير قاتل لاغتياله..
وقال: "القذافى ده كان باعت واحد يقتل الملك عبدالله.. وإحنا مسكناه.. الواد جاى وبعتله الفلوس عن طريق شركة سياحة من السعودية هنا.. علشان يصرف منها.. رحنا عرفنا الموضوع فجبناه.. فكان عايز يسافر تانى السعودية ومسكناه.. ومنعناه ومرضيناش نسفره السعودية.. فراح طلب يزوره القذافي.. وقالنا إنتوا منعينه ليه من السفر.. فرديت: إحنا منعناه علشان متقتلوش وتجبلنا مصيبة كلنا.. بصراحه كده فراح سكت.
وفيما يخص علاقات النظام المصري السابق بكيان الاحتلال الاسرائيلي قال مبارك:
- "شارون كان عندى مرة وبيقولى عايزين ننشط التجارة بينا.. قولتله انتوا اللى موقفين.. التجارة كانت نشيطة أيام رابين انتوا اللى وقفتوها.. كانوا عايزنا نصدر في اتفاقية الكويز بدون جمارك.. وكانوا بيشترطوا في أي صناعة بتصنعها عندك تاخد مكونات من إسرائيل بنسبة 8 أو 10%".
وتابع : "قولت لشارون لا ده كلام فارغ فكان عندى الاتنين قالى أنا هبعت النائب بتاعى يوم الخميس.. جيه ومعاه موافقة بأن المصانع المصرية تصدر بالكامل دون مكونات إسرائيلية.. وبدأت مصانع العاشر من رمضان والسادس من أكتوبر وبرج العرب يصدروا لإسرائيل.. مدينة السادات".. قاطعه طبيبه: "أحمد عز كان بيصدر الحديد هناك".. رد مبارك: "عز وأبو العينين كان بيصدر السراميك هناك.. كله من غير جمارك.. لأن لو صدرنا بجمارك الصين تضربنا.. هما اتغاظوا بقى من الضغط عليهم من إسرائيل".
وحول رأيه بالاتراك قال : " .. بعدين أردوغان ده ملوش صاحب.. قبل كده كان هو وسوريا أصدقاء جدا.. لكن قلب عليهم".
https://telegram.me/buratha
