( قصيده شعريه للشاعر ابو احمد الحداد المسعودي )
خلص عمر الورد بجنانه يا يمهخلص عمر الورد بجنانه يا يمه وعساهه خلصة سنينه..وخلص عمر البرد وياه والسباح مات وماتت الزينهونطرنه أيامنه بأحزان وذكرنه الزمان الجان والبينه شفناج بوضوح نجوم هذا الليل روحج بالجنان تحوم تدعينه خلص نث السمه وكطرات ذاك الماي ذبلت شجرة التينه ... كل أمحان جان يسجل الأذان يذكرج يمه ذكرينه وكل ركعة صلاة ودموع تالي الليل تبجي ونين بونينه والكرسي اليتيم اليصفج الأيدين يسأل عل اليسلينه ...لمينه السرير العايشج أحلام ما داست عليه بنوب رجلينه وشملنه بكل وكت مجموع عل ترابج تلاوه وصوت ونينه كضينه أيام هذا العام يايمه يتامه نعيش وبذكراج غنينه حسافه عليج يابحر الصبر والجود صوتج أصبح بتاريخ .. ونكت بينه تبكين بشفانه وتنزرع جلمات والسباح انتي عروكه تزكينه أصيله أنت و مناره تضوي بالأيمان ويانه ركن عرفان صلينه نامي بتربتج وتريضي طيب الكاع كاعج بالولايه مشبعه الطينه وأظل وياج كل ركعة بصلاة الليل وأتهجد دعاء ورحمه تنجينه وأبونه ويانه يتمنه بحلم يلكاج ويخبرج كرامه أولادج وزينه تهيم الفاتحه لروحج تحوم وياج والقران اياته كمال بكل وكت دينه تمت ولله الحمد هولنده
https://telegram.me/buratha
