قصيدة " صرخه " ........

حيدر حسين سويري

يعراق يانبض الكلب ، ياشعله من النور
عرشك وسط مهجتي ، من الجبل للهور
ياعذب مي دجلتك ، وفرات ابو الناعور
كاعك حضارة ومجد ، من اكد والاشور
ينبوع خيرك ملئ ، كل الاوطان ابحور
والناس مهما حجت ، ابقى انا الك مشكور
وابقى بمحبتك لهج ، اكتب شعر منثور
ما همني حاكم ظلم ، واليذبح بساطور
ارد انا انظم شعر ، مانظمه المنظور
وارد احجي لوعة ، وقهر دم كلبي ظل يفور
فرحان راح الصنم ، ولحسين رحنا انزور
بس الوضع شو رجع ، والدور نفس الدور
والكتل صار بعلن ، وهدو علينا الثور
والفتوى جرت قلم باسم الولي العرعور
كل عقله هذا النغل اترك عراقي يبور
جبناها ضيم وقهر من كسرى للمقبور
عاهدنا هذا الوطن والدم اله منذور
داعوش مهما طغى ومهما ذبح مسرور
ابقى بحضن تربتك لو حتى وسط كبور

اشترك في قناة وكالة انباء براثا على التلجرام
https://telegram.me/buratha