غسان الحسيني
يا جماعه اريد احجيلكم حلم حلمته البارحه بالليل بس اول شي اني ما اقصد البرلمانيين بس الي تنطبق او ينطبق علية حلمي هو المقصود .البارحة اتعشيت باجة وجانت كلش ثكيله على معدتي لذلك من نمت جتني كوابيس وياريتها ما تجيني بعدحلمت اني طالع اسمي بمجلس النواب وفرحت كلش هواية بعد ما صادقت المحكمه على القوائم لان مثل ما تعرفون اني جنت ضد النظام البائد وجنت خايف لا يجتثوني الزلم الموالين لبرشلونهالمهم صرت عضو بمجلس النوابولازم اظهر بمظهر لائق اشرف به جماعتي الي انتخبوني ولو اني ما حصلت بس 500 صوت بس رحمه الله والديه الي خله الكوته ... بس اني رغم ذلك جان صوتي يلعلع عبالك رئيس قائمة مو فائز بالواسطه لان الكوته هي واسطه مثل ما كال خالي الله يرحمه .المهم اتهيات للمناسبة واستقبال الضيوف وحسبتها حساب عرب لازم اقدم كل ما عندي للمهنئين واصير كدامهم حاتم الطائيبس شفت بيتي ما يستوعب هاي الناس الجاية كلت خلي اجر جادر احسن لان وين اروح بيهمبس هم حسبتها وشفتها ما ترهم لان المبلغ ما عنديخابرت اخويه وكتله دبرلي فلوس منا منا المهم اريد فلوس من جوه الكاع واني ارجعها الك ووياها هديهخطيه اخويه ما قصر وجابلي مليون ديناردزيت ولدي يشترولي قاط جديد من شارع الخيام لان ارخيص وياه قميص ورباط وحشه كدركم قندره قبغليوبالفعل صرت طالع دي لوكسكلت هاي مو كافي لازم اطلع كدام العالم شخص مهم بالقائمه مالتيوصيت واحد من ولدي يوكف ورايه وبيده تلفون والثاني كتله انت ابقى بالبيت وكل شويه دك على اخوك وكله اني فلانوابني اقترح علي ابدل جكايري من بن الى مالبورو وسمعت نصيحته واشتري تكه والله العظيم ب35 الف لان ايكولون هذا ابو السحب .... بس كلت اذا اني ما اشربه لعد منو يشربهودخلوا الناس الساعه 6 العصر واني متحنبط بقاطي الجديد وميت حر بس شسوي لازم اتحمل لان ابو المثل ايكول اتعب تلعبوكعدوا الناس يباركون لي واني ابتسم ابتسامه سياسيةوابني ما خيب ظني ودك على اخوه الواكف ورايهكال بابا السيد رئيس القائمه يريدكوطبعا كله جذب ابجذب بس كدام العالم لازم اصير مهمجاوب ابني الي كاعد بالبيت وكتله اتفضل دكتور ابني كال اني ابنك طارش مو الدكتور كلت ميخالف دكتور اني موافق بس لازم اشوف البرنامج السياسي حتى اوافق علية واخلي جماعتي اتوافق .... طبعا الحجي بيناتنااني لا عندي جماعه ولا هم يحزنون بس صرت اعرف السياسه واشلون اصير مهم وارتب اموريالناس صدكوا وكامو يتهامسون بيناتهم وعرفت اني نجحت بالخطه وكلت لعد اني باول يوم هيجي سويت لعد من اداوم قصدي من احضر بالبرلمان شراح العب لعببس الله اليدريودك مره ثانية التلفون وطبعا طلع هم طارش لان اني ما جان عندي تلفون كبل واليوم اشتريته ومحد يعرف الرقم واني اسفط حجي وجذب براحتي نرجع الى التلفون طارش كال ها يابه .... جاوبت كتله اهلا استاذ وشكرا على الاتصال .. وسكتت لحظات على اساس ان الطرف الثاني يتكلم .. ورديت وكلت لا والله ما اكدر شوفو واحد ثاني يصير وزير التعليم العاليوكتله لا ما اريد وزارة المواصلات وهاي الناس متعجبه كلش هوايه واشوفهم ينظرون بعيونهم ويكولون وافق يمعود وعين ولدنا . وافق حتى الخير يعم على العشيره.وافق وخلي نضرب ظربتنا .... وافق وافتح النا خزائن الدولهومن سديت التلفون كالوا مثل ما اتخيلتهم .... بس ابو داعيكم وطني ويحب الوطن هوابه وكلت اني اكون معارض بمجلس النواب واراقب عمل الحكومه من اجل الشعب ومصلحته ... واني احجي بانفعال ووطنية وصدكت اكاذيبي عليهم وعبالك من صدك خابروني وضليت اسولف منا ومنا مره احجي على الجيش واشلون نعيد بناءة ومره اسولف على الصحة ومرة على الخارجية وما خليت وزارة ما سولفت عنها اجيب واخربط والعالم اتصفك وتهتف واني ابو ابويه مسموط من الحربس لاجل عيون الشعب كلشي ايهون .ونتحملوطالت الكعدة وحسي انبح من الكلام الوطني اتكول مو عضو مجلس نواب صاير عبالك رئيس دولهوكلت خلي اتخلص منهم لان صار وكت العشى واني مثل ما تعروفون حتى فلوس القاط مداينها من اخويةكلت يا جماعه اني اسمحولي لان القائمه عدها اجتماع وميكدرون يتخذون قرار اذا ما اروحوفزيت من النوم واتاسفت لان ما حليت ولا مشكله من مشاكل الناس والعراقيين حتى بالحلم ما انحلتاويلي يابه شلون متحملين هموم احنه وساكتين على ضيمنا والناس امبربعه بالخيرراح اروح بس والله ارجعلكم بموضوع ثاني على الجرحجـــــــــــــــاو
https://telegram.me/buratha
