( للشاعر : ابواحمد الحداد المسعودي )
بويه شوطنه القهر والظيم...يابويه !شوطنه القهر والظيم ....وانسينه الذبحنه سنين يابويه دولبنه الزمان بفرته المكلوب بجانه بلطم وسواده يابويه!حرمنه من الشفايف شربة العطشان نهفي من السموم مهفه يابويه ! ضيعنه الحقيقه الماتت من سنين والبعثي الرفيق اويانه يابويه!او ذاك الشهيد الراح بالاعدامموجود العدمهم بالحكم بويه !والجاتل شعبنه أجساد عل التربان موجودين بالمجلس حشك بويه !والباكو نفطنه وكوبناته اوياه ردة للوزاره أصواتهم بويه !شحجيلك مصايب والأهم جوكات بأسم أحزاب متربعه بصداره اليوم يابويه فرحنه بيوم كمشونه النذل صدام رد النوب يتلاسن ابن قعقاع يابويه !وبريزان بضراعه الوكح صيحات يشتم بالحكومه يماطل القانون يابويه !كل شيت الوكت مكلوب بالضلام لن بينه الرشاوي خيست التاريخ يابويه !أهوايه الحجي وسوالفه بدولاب عيب انجيبه بالاسماء يابويه !صدك واعتقد انته الفزت وبدار عفتنه بقالب المكرود والقصاب يابويه !خلينه بوكت والشيب يترس راس يجتلنه الصبر باهاته والحسرات يابويه !؟تبكه حفيرتك بالكاع هيه البيت وبيوت الزلم مطفيه بالارهاب يابويه !تمت ولله الحمد هولنده ابواحمد الحداد المسعودي
ملاحظه ..تعمد ان تكون القافيه واحده بالرد هي يابويه لانه الخطاب الى اباءنا الاموات رحمهم الله !!وهنا اتمنى ان تكرار القافيه لايضعف القصيده كما هو معروف للشعراء الافاضل ...للضرورة أحكام اخي القارئ وشكرا .
https://telegram.me/buratha
