فيسبوكيات/ اويلي بالعباس اشلون مصيبة?!.ملياري ايراني طبوا للعراق بدون فيزة !

حيدر حسين الاسدي السيادة انتهكت ... 
الكرامة انحطت ... 
صرنا اضحوكة للعالمين..  ما راح يبقون شي..
ما راح يبقى على حالنا حال ..
هوانا المتروس دخان بارود ومولدات وتلوث و (حشرة) كوليرا راح ينشفط.
مي دجلة والفرات فوگ ما تركيا لاعبة بيه شاطي باطي، وسوت عليه مية سد، راح يشربوه كله ولا تبقى قطرة، ونبقى نشرب من مي البصرة أم النفط.
ماكو فاكهة ولا مخضر نستورده منهم راح يبقى..
ما راح تبقى (گاله) ناكلها ولا نعال نلبسه.
ماكو لحم هندي ولا لحم مطايا ماندري منو مستورده ومنين راح يبقى...
اللي طفروا لاوربا وعبروا حدود سبع دول وانتهكوا سيادتها ما سووا سوايتهم.
وانوب على شنو ..؟
والله شنو .......... يزورون ويرجعون.. !!
بلله تستاهل تنتهك سيادة بلد علمود توگف يم مرقد وتقرالك صفحتين دعاء وترد لاهلك.
عمي لا ترخص السيادة.. اللي يعبر بلد وينتهك سيادته قچق كون ينام براس مواطنيه سنين ومنين وياخذ جنسيته ويزبل بيه وينام براس دافعي الضرايب ويگعد ورة الكيبورد ويسولف بالانتهاك واحترام سيادة بلده اللي عافه وطفر.
اشلون تنتهكون سيادتنا، فوگ ما اكثر من 35 جهاز مخابرات دولي معيثة بينا، فوگ ما ثلث بلادنا محتلة، فوگ ما 15 بالمية من اراضينا اتبرع بيها ابن صبحة للاردن وللسعودية، فوگ ما نفطنا انباع لعشر سنين ليگدام لشركات اجنبية، فوگ ما الكويت اخذت حقول نفطنا واراضينا وكسرت خشومنا. وين نطي وجوهنا. 
عمي ليش ايران تخلي نص مليون يعبرون بطفرة وحدة، خلي اتسوي مثل امريكا وتمنع المهربين من حدود المكسيك اللي صارلهم 112 سنة محد يگدر يسيطر عليهم، حتى لو فشلت بس المهم (شرف المحاولة)...
اخواني وزارة الداخلية المحترمين : اي واحد يريد يعبر الحدود باتجاه ايران بعد انتهاء الزيارة ولم يختم جوازه، دگوله منع واخذوا بصمة اصابعه، وغرامة .
وابوكم اللي يرحمه ..  السنه اللي راحت الايرانيين كلهم دخلو بدون فيزا اشو كلشي ماصار بمجرد خلصت الزياره كلمن رجع لاهله ولو عندي سلطه افتح الحدود على مصراعيها لزوار الامام الحسين عليه السلام دائما يحاول الاعلام المعادي ومن يقف معه من رجال درسوا فنون التلاعب بالرأي الجمعي للمواطن البسيط ان يشتتوا الانظار عن عظمة الزيارة المليونية والنجاح الخدمي والامني من خلال خلق ازمة دخول الزائرين الايرانيين الى العراق وادعاء فشل العراق في مؤتمر المناخ في فرنسا ...
ان كنتم حقا حريصون على العراق ورفعته لكان افضل لكن ان تنقلوا للعالم معجزة احتضان 26 مليون زائر دون اي حادث يذكر