( قصيدة لخادم اهل البيت ابو رضا السماوي )
ياشمس الكرامه ونهج الاحرار ************ ابزغ ضّوي بدروب العداله
ياسر كن يكن ربك لون شار ************ تطلع تهدم اعروش الضلاله
ياشمس الكرامه ونهج الاحرار ************ ابزغ ضّوي بدروب العداله
************ ***********
يايوم ونهارك يسبك الليل ************ وضي وجهك لعند الحلك يكشف
جدك مرتجس يصعد يشد حيل ************ وبغيض العدل يالمهدي ينصف
ننطر تحظر وموحانك السيل ************ وسيفك يكسر الكل خشم مدنف
ياشبل الوصي او راويهم الويل ************ وانهض للدموع التجري نشّف
جدّك من تعبد داخل الغار ************ طلع يتحمّل اعباء الرساله
وانته ابيا وكت تطلع للاشرار ************ لعد يومك رهن دينه الجلاله
ياشمس الكرامه ونهج الاحرار ************ ابزغ ضّوي بدروب العدال
******** ***********
ياغيم اعله شمسك غيّم او حال ************ قسن بينه الليالي اشوكت تطلع
تجينه وصرختك عالوسعه زلزال ************ وتجي السوح الحرب كالريح زعزع
ياصنديد يامن نسل الابطال ************* صفينه ابولية اهدانات تطمع
عجب اجدادك الدين الله الانفال ************* اشوكت يبن الوصي الدين الله تفزع
حيف اعله الفقار ايصيبه زنجار ************* ترّبه ابياوكت يومه اشبكاله
وتصيح ابياوكت وتنادي للثار ************* يمن وصفك علي ابعزمه اوخصاله
ياشمس الكرامه اونهج الاحرار ************ ابزغ ضّوي بدروب العداله
********** ***********
عطش كلب الموالي وهم غده ايلوب *********** يشبل العسكري وضاك المرار
خذاه الهم يغايب يحدي الدروب *********** ولعد يومك تراه مل انتظاره
على اجروف النهر تلكاه الغروب ************ وعلى اشموع الفرج دمعه ايتجاره
عليه اتلايمت لوعاته مصيوب ************ وغده ابليله ايتململ وسط داره
عسى ايطر الفجر وبشمس النهار ************ يشاهد شخصك او يحظر اكباله
ولو صدفه او فلا لازم للمرار ************ يمن شخصك سكن عكله ابخياله
ياشمس الكرامه اونهج الاحرار ************ ابزغ ضّوي بدروب العدال
******** **********
صار ابهالوكت والشكوى لله ************ وليك العدل ضايع والظلم حل
ظل دمع القدس مانشف مبجاه ************ ومن كثر البجي عالصخره هم مل
وظل شعب العراق الوكت ودّاه ************ عله درب المتاهه او راده ينذل
يمينك ياوكت بيه يخفج الواه ************ ومن نجمك كمرنه ابليله يخجل
وبركانك نصد ليه يلتهب نار ************ ولعد سيفك نصد ليه ابقتاله
ونلوذ ابمركبك من كل الاخطار ************ يسجّة عدل ما نرضه ابداله
ياشمس الكرامه اونهج الاحرار ************ ابزغ ضّوي بدروب العداله
خادم اهل البيت ابو رضا السماويhttps://telegram.me/buratha
