إنته إبن المَراجع صَفوَة الأنصار ْ وإنته إبنْ الحَكيمْ الزوُد : نيشانه !

أبو أحمد الحَداد المَسعودي

باسلْ سيفكْ إبإيمانْ عَلْ الأشرارْ والجُود إبيَمينكْ رسَمْ : مَيدانه

ورثتْ إنته الشجاعه إبإسم حامي الجارْأبُوكْ الوَرَثكْ مَعروفْ : عُنوانه

إنته إبن المَراجعْ صَفوَة الأنصارْ وإنته إبن الحَكيمْ الزودْ : نيشانه

للمَجلسْ عَضيد إيأإرخكْ منضارْ لئن بيكْ الثباتْ وعزة إلسانه

إنته إبن العراق وحكمتكْ أسرارْ مَخفيه إبصفاتكْ تحجي وَيانه

نهنيكْ ونكلكْ هَلْ الوَطنْ معيارْ شد عَزمَه إبصراطكْ تكسبْ جنانه

المَجلسْ يضمنه إكبارنه وإصغارْ وبعون العَليمْ إنحفظه بدمانه

يبو أحمد نريدَكْ كُلْ وَكتْ تذكارْ وَيانه الصديجْ الصادق : إيمانه

كُلْ أهل العراق وطيبة الأخيارْ تدعيلك تصلي إبصدق عرفانه

سمعنه إحنه الوَصيه وبيها كُلْ إقرار حجه الكُلْ غيُور البيعه : بوذانه

أمانة كُلْ عراقي الثار( ياعَمار) ... متعيف اليشبنه إبغضبْ : نيرانه

لتعيف الوَطن يتلهوَك إبنيران هذا وذاكْ ثلثين اليبُوكه إنعرف جيرانه !!

عَينكْ عَلْ الوَطن والشعَبْ كله إوياكْ وإشحَده اليطولكْ : نكطعْ إلسانه

إذا شفت الدخيل إبعينه دغشة عار أومي إنته إبإصبعَك : كلنه تلكانه

تمت ولله الحمدهولنده2009lكُتبت للسيد عمار الحكيم يوم تتويجَهُ برئاسة المجلس الاسلامي الاعلى في العراق ألف مبروك !

اشترك في قناة وكالة انباء براثا على التلجرام
https://telegram.me/buratha