الشاعر ابو احمد الحداد المسعودي
مَرعوبَه الخلَكْ تحفر غمُج بالكاعكُلْ ساعَه الخبَر ويلا ته يرجفها !
أبو أحمد الحداد المسعودي....................................
بجياسَه اليكَنْ هالرُوسْ بالتربانْ مابيها هَويَه وصُورَه نعرفها !!
ولابيها عَلامَه إنشوفها العنوانْبَسْ ندري مُواطنْ شالْ مَرهَفها
عَجيبَه إعله المَقابُر شابجه إبأمواتْ بآلاف الضَحايه الكاع تكشفها !
مَرعوبَه الخلَكْ تحفر غمُج بالكاعْ كُلْ ساعَه الخبَر وَيلاته يرَجفها
كُومَه أطفالْ مَخنوكَه وتهد الحيلْ نسُوان وزلمْ مَجهوله أصنفها
ولاجنها بَشرْ مَشمورَه هاي الناسْ تقرَه إبصُورَة التاريخ : مَوقفها !
عَرَبْ وأكراد سنه وشيعَه مقتولين تهمَتهُمْ خيانه البَعَث وَصَفها
مَسيحْ وتركُمانْ أشلائهُمْ طشاركُلْ هاي المَقابُر ياهُو : ينسفها ؟
كُلهُمْ بالهَويه إمدَونين أسماءعراقين دَمهُمْ خالَط الهل كاعْ : شرفها !!
واحدهُمْ مُواطنْ حَكَه بالدستورمَكتوبْ بكَرامَه الوَطنْ صَنفها
مَلعونه الجريمَه البَعَث بيها كتابْ والظالمْ كتمها وظنه : يحذفها
مايدري العَداله البيها سر الكُونْ والحاكمْ شعَبْ وبصُوته يعزفها
نخلد كُلْ شهيد إمثوله للأجيالْ ونرسْمَه إبقلمنه وثمرَه نقطفها
ذكرى بكُلْ زمانْ إتعود هالأيامْ ونأرخ مَجدها أرقامْ نعرفها
ونسمي المَقابُر مَدرسَه الكُلْ روحْ ونرَيض نفسنه إبطهُر : مَوقفها
تمت ولله الحمدهولنده2009م
كُتبَتْ بمُناسَبة الذكرى السنويه لشهداء المقابُر الجماعيه من أبناء العراق الغيارى عربا ًوأكرادا ًسُنة ًوشيعة ًومسيح وتركُمان رحمَهُم الله جميعا ًوالفاتحه على أرواحهم الطاهرَه .
أبو أحمد الحداد المَسعودي
https://telegram.me/buratha
