أبو أحمَد الحداد المَسعودي
صَحيح الي نشوفه اليُوم ونسمعَه !؟أبو أحمَد الحداد المَسعودي......................................
صَحيحْ الي نشوفه اليُوم ونسمعَهوإنته إوياي بعيُونكْ بجي ودَمعَه!؟
جنه إخوانْ والعاذلْ وَجه مَفضوحْمايكدَر عَلينه أحزابنه جَمعَه !
جنه إبفدْ سَفينَه إشراعنه الرَبانْوالمَركَبْ يفوجْ الزود من رَبعَه
وجنه إويَه الفقير إنام عَلْ التربانْمابينه اليدَور دينيته .. البَشعَه
جان إلنه الوَطنْ بعيُونه نيشانْمانقبَل نبُوكه الكُلْ شتلْ زرعَه
جنه إويَه النخلْ نتمايَز البستانْومن دَمنه السواجي إتفيضْ وإتشبعَه
جنه وجانتْ الدنيَه إبرَحمْ وجدانْماتقبلْ تنام إنجومها إمفرعَه !
حتى إويه الظلام إمساهرين الليللئن جنه إبضميرْ وجانت الشمعَه!!
جنه وجانت الوادم تحبنه بخيرشيلة راسْ إلها وصُدُكْ منتفعَه
إبفد ماعون ناكُلْ ضيفنه الجيرانمابينه اليغش الصاحبه : إبسُرعَه
مَرينه بقهَر وتوارَتْ . . الخلانْكلمَنْ كام هَمَه يفوز بالقرعَه
بالمَكلوبْ صرنه إويه الفلكْ نندارْسياسينه إبحزبْ وإتبرَه من رَبعَه
مجالسنه فضيحَه أسرارها إبألغازولاجنه أمسنه بيومنه إنتبعَه !
أعلام وصَحافه وشاشة التلفازْوالوادم ضَحيه إتكولْ : مخترعَه
والفايز نشوفه هناك بالإعلانْمُحافظْ مُنتَخَبْ : مَشونه بالدفعَه!!
يَعَمي إحنه إبوَطنْ مَذبُوحْ صار سنينْواليُوم اليذبحَه اليخلفْ إبطبعَه
خلْ إسمَكْ يعيشْ بكلْ زمَنْ عُنوانْخالد للوَطنْ للظالمْ إتصفعَه
ترَه كُلكُمْ شعَبْ تاريخكمْ طُوفانْرفعَتكُمْ كَرامَه إمدَونه إبرفعَه
لتخلي الدخيلْ بكُلْ وَكتْ شماتْشد حَيلكْ صدكْ: دنياتكْ إتصرعَه
صَفي إبنيتكْ والساسَه إلهُم دوروجبير السَلفْ مَرمُوق بالسُمعَه!
تمت ولله الحمد/هولنده/ 2009م
كتبت هذه القصيده للظروف الراهنه والعجيبه التي أفرزتها الإنتخابات لمجالس المحافظات، وكأنه لم نكن قائمه واحده وإئتلاف مُوحَد قبل الإنتخابات ! ماحدا مما بدا؟ لاتنسو أنفسُكُم انتم أبناء قائمة الشمعَه !أبو أحمد الحداد المسعودي
https://telegram.me/buratha
