( شعر : أبو أحمَد الحداد المَسعُودي )
ستْ سنينْ عَجَتْ والفَلَكْ دَوارْ وإحنَه إويَه الفَلَكْ نِنْدارْ فرَيرَه !
ستْ سنينْ مِنْ عُمر الصَنَمْ منهارْ وإحنَه إويَه النَصُرْ ونطيرْ فدْ :طيَرَه
ستْ سنينْ فَرحَه إتشابُكْ الخُطارْ بأحضان المَحبَه إتبوسنَه بديرَه
عُمُرْ هذا الوَطَنْ لو تِحسِبَه مَسرُور عاشَه إويَه المُواطِنْ وَدَعْ شخيرَه !
تَرَه عُمْر التِحِسبَه الفاتْ مُو بسنينْ عِشْنَه بذِلْ , تاهَتْ كُلْ مَعايرَه
أريد أتفاصَلْ التاريخْ بَينْ وبَينْ إنكِسْمَه إبنصيفَه إنشيلْ كُلْ حيرَه
وإنكُولْ اليعيشْ اليُوم عينَه إتشُوفْ أحداثْ وسياسَه أحزابنَه إتديرَه !
إبكُلْ هذا وتهُونْ وقُدرتَكْ وياكْ حُريَه وقَلَمْ وبدُونْ تأشيرَه
مَنَصَه بكُلْ مَجانْ إلسانهُمْ حَجايْ بفنُون الخِطابَه إتوَجهِ إبسيرَه
ستْ سنينْ نِتفائَلْ نِكُولْ أصحابْ نِتصافَحْ تبُوسْ خدودنَه الغيرَه !
فُرحنَه إويَه الوَكِتْ بعيُونَه الأحلامْ شِفنَه إحنَه الوَطنْ ماشِفنَه تَغيرَه !
شامَه إنتَه بحِسنْ وخدُودَكْ إموَرداتْ وأنهارَكْ سَواجيْ إتفيضْ كُلْ ديرَه
يَبُو روحْ التِرِفْ بجناحها النَسماتْ إضْحَكْ لاتِغَنْدِبْ فالَكْ إبخَيرَه
باجِر مِن يجي إنسُولِفَكْ ضِحكاتْ تِلبَسْ ثوبَكْ من جديدْ وتنيرَه !
وأسَرحْ شَعرَكْ إبألوانْ هاي الناسْ وأظفِرلَكْ سَعفنَه وتِحلَه الظفيرَه
أبَشرَكْ ماتْ ذاكْ الذابَحَكْ جَزارْ طَمُونَه بحِفيرَه وداسَو كُلْ مَناخيرَه
ستْ سنينْ نِتراهَنْ عَليها بزُودْ وإكتَبنَه الحَياة إنسانْ تَحريرَه !
عَفيَه إعليكْ إسمَكْ كُلْ وَكِتْ ويايْ ماعيفَكْ تمُوتْ إبعُبوَةِ الجيرَه !
جيرانَكْ حَسافَه إتنَكِرو للزادْ إفتونَه إبفَتاوى حلُوكْ خِنزيرَه
عِرفانَكْ جميلْ إمدَوَنْ ومكتُوبْ بَسْ وَينَه الشَريفْ اليحْسِنْ إلجيرَه
جِنتْ إنتَه بسَوادْ وهُمَه طكهُمْ جُوعْ كُلْ عُمرَكْ حَنينْ وخُبزيتَكْ لِلعايشْ إبحيرَه !
أشُوفَكْ ياوَطَنْ وأتمايَزَكْ عُنوانْ أرسِمْلَكْ خريطَه إبكَلبيْ : دُوَيرَه !!
تمت ولله الحمدهولنده2009م
نُظِمَتْ في الذِكرى السادسَه لِسُقوط الصَنَم العَفلقي !
https://telegram.me/buratha
