( شعر : أبو سجاد المنصور )
انطرت ويه العمر والعمر ملاني صدك يا وطن من تتعافى تنساني
رمدة العين من كثر السهر يفلان فنون امن الهموم الوكت راواني
ونشفت من كثر ما هملت عيناي... وظنيت الوطن بترابه داواني
يبو الغيرة صدك ما تذكر الطيبين....... وانه بتربتك دفنت خلاني
ولا واحد بكله لهل يوم أسدن بيه شك ثوبي وشماتة هلي وعدواني
وين فلان وين فلان وين فلان ماعدهم كبر........ ناموا ابوجداني
صرت مثلك يفاو الخير................. أدور عالاهل جا وين ولياني
بس ظلت نخلتي الواكفه وياي..... اشلون تعوفني وهي وطن ثاني
ابد ما دنكت فد يوم للطاغوت ......ولا غيرت فيهه ونكرت امجاني
انه بفيج عزيز وما كسرني الضيم ولا مرة نهرني ودومه داراني
شهد تمرك ينخل الفاو......... وشهد كلمن يضوكك قاصي و وداني
يمايك من فرات المرعلى عباس وسلم على الحسين وشبك جرياني
أحبنك صدك ياماي... من شط العرب................ مو من نهر ثاني
غريب بهل الوطن يافاو............. انهظم و الله اذا باوعت اقراني
معقولة المناطق كلهه تتعمر.......... وانه الوطن بالنسيان جازاني
بلجي المالكي يفرغ يزورج يوم......... واشوفنه يمر بأثر بستاني
وبنفس ذاك اليراع العدم بي صدام يرجع بسمتي وسمجات ميلاني
مسحتي ومنجلي تنخاك لو مريت و سوباط الكصب ومخاد ديواني.
أبو سجاد المنصورقضاء الفاو المنسي
https://telegram.me/buratha
