نظم:الأخت الكريمة العلوية روافد الياسري
غمگت الجروح إجروح
وخليت الوطن مذبوح
محتاجيك
ليش تروح
محتاجيك ... يلقدوة منو مثلك إنجمعن بيه
سياسة و دين والتقوى
شهامة وزود والنخوة
منو مثلك رعب صدام بالقوة
ينور العين
يركن الدين
عگبك هلركن مطروح
محتاجيك ليش تروح
محتاجيك يلنوماس
يهيبتنه ويرفعة راس
وسفة وغدروا الأنجاس
لا جسم البگه
ولا راس
بس چفك مثل عباس
تضوي وبعطرها تفوح
محتاجيك ليش تروح
محتاجيك يلمهيوب
عدوك خايف ومرعوب
من صوتك غدة مرهوب
تشهدلك هذيج السوح
محتاجيك ليش تروح
محتاجيك ومحتاجين لعلومك
وتجديدك ومفهومك
عشاگك
وخصومك
متوسفة وعليك تنوح
محتاجيك ليش تروح
هيهات ونذل هيهات
تهتف وعالية الصرخات
ضوگت العدو الويلات
بصوتك والصدى مبحوح
محتاجيك ليش تروح
ذَكّرتْ الغدر بينه
بهتافك يم ابو سكينه
(وينه الحاربك وينه صدام النذل وينه )
وغفلة تغيب
وفجأة تروح
ما مسموح ابد والله ما مسموح
محتاجيك ليش تروح
الفرحوا بموتك معيدين
گللهم يتاج الدين
يزيد المات موش حسين
مسجل وباعالي اللوح
عدوك جاهل ومفضوح
لاچن ليش ليش تروح
محتاجيك ليش تروح
يا شمس الوطن يا حيف
مثلك غيباه الحيف
رديت وبچنك طيف
يظل طيفك يهيد الروح
وتظل شمسك بسمانه تلوح
لاچن ليش ليش تروح
محتاجيك ليش تروح
نظمت هذى الكلمات في سنة استشهاد شهيد المحراب
https://telegram.me/buratha
