( شعر : أبو أحمَد الحَداد المَسعوُدي )
بَسَكْ ياعِراقْ أتوَسَلَكْ بَسْ ردْ إرْجَعْ تِعافهَ العَهْدَكْ : الأولْ !
وإلبَسْ صايتَكْ وِعكالَكْ منْ جديدْ وإتْحَزَمْ نِحبَكْ طَبْعَكْ : إمدَلَلْ
أشوفَنكْ هِميمْ وتُربِتَكْ فِردوُسْ وأنهارَكْ زَلالْ تفيضْ :وِمْعَسَلْ
رُبوُعَكْ بِالخَضارْ إتبَشِرْ بكُلْ خَيرْ والوادِمْ تِسوُلِفْ بيكْ : تِتْوَسلْ
يَبوُ طَبع النَخَلْ بعثوكَه تِحْله تموُرْ وإتْلَونْ سِماكْ ألوانْ تِمْشيْ : إبظِلْ!
كوُمْ إنهَضْ تِعاوَدْ إنصُبْ الدِيوانْ ضَيّف كُلْ عِراقيْ بزوُدْ : لاتِخْجَلْ
سَموُنَكْ عراقْ إعروُكَكْ إبكُلْ إيد وَيَه الدَمْ يِماشيْ الروُحْ : ماتِنْشَلْ
حَسدُوكْ بخَضارَكْ عُمرَكْ منْ سنينْ كِيعانَكْ ذَهَبْ بعْيوُن : تِتْغازَلْ
عَيبْ إعلَه الزَمانْ إيناكِرَكْ بَذاتْ مِنْ يوُمَكْ زَمانَكْ بيكْ : يِتأمَلْ
تَرَه إنتَه العِراق إبمَوُطِنَكْ أشرافْ يِتزامَطْ نَسِلها وشانَكْ : إمعَدَلْ!
مَيْبوُكَكْ دِخيلْ إبديريتَكْ فُرسانْ نامْ إنتَه إبأمانْ اوأبَدْ : مانِغْفَلْ
واحِدْنَه حَديدْ إبعينَه نَجم الليلْ مايِخْمَدْ ينامْ إبطَبعَه : يتعَقيلْ
ولا إحنَه النُموُتْ إبذِلَه لاوَالله إحنَه أولادْ حَيدَرْ مانِواخيْ : الذِلْ!
شُوفْ إنتَه الحُسينْ إشْكالْ بالمَيدانْ وشْجاوَبْ شِمِرْ عَباسْ كَلَه : أهْبَلْ!
مُو آنَه الأَعيفْ حسينْ لِلأحْزانْ وبسيفيْ أحارُبْ حَتى لُو : أقتَلْ
هذا إبنِ الصُميدَه وثارَه عَالعُدوُانْ يتفازَعْ بُطولَه بدِرْعَه : يتْمَرْجَلْ
يَعْنيْ إحنَه إبوَطنْ نِتْلاسَن اومَنخافْ إذا جانِ العَدُو شَيطانْ : ومْغَفَلْ!
خَلَكْ ياعِراقْ إبشارَة الطَيبينْ ومنارَة خُلُودَكْ ثَبِتَتْ كُلْ : حَلْ
لاتِتْعَبْ يَبُوْ الغيرَه الشَعَبْ وَياكْ وبعُونَكْ تِحَزَمْ غيريتَه : تِخْجَلْ
عِدْنَه رجالْ عِدْنَه إسباعْ حِزمَه وعُونْ ولعِنْدَه كَفيلْ أبْطالَه : تِتقاتَلْ !
كُلْ إنسانْ مِنََّ إيمايزَكْ لِلْجارْ بِحْدُودَكْ عَلَمْنَه جديدْ مُو : الأوَلْ!
يتْوَسَمْ شِعارْ إبغيرَةِ الوِجدانْ وإكْتَبْنَه النِريدَه إبخَطْنَه : وإتْبَدَلْ
يامحَْلَه الإسِمْ وبصُورةِ العِرفانْ مِنتِقراه تِسْمَعْ صُوتَكْ : إيرَتِلْ!!
تَمتْ بعَونِ اللههولَنده2008م
https://telegram.me/buratha
