( شعر : أبو أحمَد الحَداد المَسعوُدي )
بِقليمْ المَحبَه هناكْ كُردِستانْ نِلْكَه إسمِجْ حَلَبجَه إمدَوِنْ : أسرارَه !
صابَرتي وصُبَرتي إتْيَتِمَتْ أطفالْ بَسْ حِلْمِجْ جبيرْ اليوُمْ : إقرارَه
إذا كَصْدِ الظُلُمْ إيديه كُلْ إمجانْ مَلعوُنْ بهَويتَه إنْقُرْ : عَمهَ الدارَه!
آلافِ الضَحايَه إتْلَبِسَتْ أحزانْ كِمْياوِي القَصُفْ وِإحْتَركَة : إبنارَه
ثارِجْ ياحَلَبْجَه إتْعَنْوّنِ إبوِجدانْ وِتعايَشْ ضَميرْ السَيفْ : بَتارَه
كِتَبْت آنَه القَصيدَه إمطالِبْ الأحرارْ مانِنْسَه الشَهيدْ إنْقيمْ : تِذكارَه!
نِقْرَه الفاتْحَه الأرواحْ هاي الناسْ ماتَتْ وِالأجِرْ تِتْخَلَدْ : أنوارَه
شِفتْ إسْمِجْ عَجيبَه بصَفْحَة أنتَرنيتْ وِإرْسَمتِجْ مَدينَه بيوتِجْ : إبْشارَه
وِوْضَعتِ الزهوُرْ الكُلْ كبُرْ مَريتْ شِفْتِجْ بالزهوُرْ إمخَضْرَه : بَنْهارَه!
الإنتِفاضَه ... وَصلُ بِحَلَبجَه بِالذِكرى !أبو أحمَد الحَداد المَسعوُديْ........................... عُمُرْ عِشْتَه بحِزِنْ وَأطيافَه تاليْ الليلْ كابوُسْ بمَناميْ إتخاوَفِة : مِنَه !
مِنْ كِثْرِ الذَبِحْ وِالسيفْ يِكْطُرْ دَمْ جَتاليْ خَبيثْ إمْكَشِرْ إبسِنَه
طَموُنَه مَقابُرْ حُفَرْ جَوَه الكاعْ مَوْتوُنَه بقَهَرْ سَكْموُنَه : عِيشَتْنَه
كِتَبْ عَنَه الزَمانْ اوعُمْرَه بالتِسعينْ سَمونَه إنْتِفاضَه إتِضَحْ : مَنْهَجْنَه
دَباباتْ وِيصواريخْ بالجُملَه القَصُفْ مَشْؤمْ يِحْصِدنَه إبمَجازِرْ فاضَتْ : إبدَمْنَه !
كُلْ واحِدْ تِشوفَه إبعِلِتَه وَجعانْ وِالهَمْ الجبيرْ كلادَه : لَبَسْنَه
لاجِنَ الصَبُرْ جِلبابْ خَيَطناه وِإلبَسناه وَيانَه دِرِعْ وبْسِدَه : عِزَتْنَه !
يِبْقَه اليوُم ْ يوُمَكْ ياعِراقْ جديدْ مَكْتوُبِ بسَفارَه وهيَ : مِنْعِدْنَه
نِختِمْ بالقَصيدَه بسورَةِ الرَحمان نِهديها ونِأبِنْ كُلْ شَهيدْ الذِكرى :جمعَتْنَه !
تَمتْ2008مهولندَهنُظِمَتْ للإحتفال بهذهِ المناسَبه اللتي ستُقام يوم الأحد المصادف : 16 / 3 /2008م في سفارة جمهورية العراق في لاهاي : هولنده .
https://telegram.me/buratha
