( شعر : أبو أحمد الحداد المسعودي )
نحب حسين إيمان وعقيده ودين ونمارس نهجنه بصوت ياحيدر
سلوكية الموالي إتعبّر بكل حين شعيره وكل شعيره بحبها نتفاخر
نوبه إويه الصلاه نتشاهد إبأجفان نتوضه ونصلي ونطلب الأكثر
ونوبه إتشوفنه بزنجيل حزنانين ونوبه إتشوفنه بقامات نتطبر !
ونوبه إعله الصدر بجفوفنه إنواسيه ونوبه وبالدمع نرثيه وإنعبّر
ونوبه إعله الجباه إنشدشد الجلمات ونوبه إعله المنابر صرخه تتبلوّر
كلها إبهل المصاب المآتم إعله حسين شعائرنا بدليل إويانه من تظهر
تعال إوياي شوف إشتكتب الأقلام تستهزء تريد بصفحة الكوثر!!
موضوع بتفاها الكاتبه معروف كلبّ صفحتّه إبماضيّه تتعثر
موضوعك قديم وعمره بالطاغوت من جان البعث بسنينه : يتبختر!
وجنت إنته الأداة إتهاجم إبجلمات تكتب كل مقاله وعقلك إمهستر !!
يكلب للحقيقه ويتهم الخدام يرسم بالقلم ديباجه يتصوّر
يسولف بالشعائر حاقد وجذاب ويسيّس الكتابه أوراقه تتبعثر
كل كصده المنال برفعة إبن يزيد يقبض للدراهم ناسي للمحشر
ويعيب الموالي بصفحة أنترنيت ويشّهر يريد إبإيده : للمنكر!
ماتكدر لوّنك درزن إبأقلام تعجز والشعيره بقوة من :تكبر
تدري حسين بكلوب البشر شريان والشريان دمه بكل عرك : يفتر!
يعني حسين كل وكته عشك للروح والروح إبطبعه إتهيبه : تتكابر
لئن بيها الولاء اوكعبه للأحرار تطوف بكل ركن بإحرامها : الأطهر
ليغرك زمانك لبسّك شيطان مغرور اوأشوفك شرقي يل ... !
أنصحك والنصيحه كلاده خلها إوياك خل طبعك حقيقه أوراقه كل : دفتر
لتورّج وهابي تكول آنه اليوم كاتب والقلم بأفكاري : يتأسر
مو وكت التعرفه إصرار من ينذاع وتعيف الكبائر دايحه : وبالشر!
خل يكتب قلمكم صفحه للقراء موضوعه رساله إتواكب : المحضر
شوف إنته القتل ويانه من كل صوب علكونه بمشانق صرنه : نتوذر
رادونه بذبحهم نلعن الكرار ونعيف الشعائر نلتهي : إبمنكر!
كالو للضلع بالباب مو مكسور وإتبره الخليفه الثاني عنها : وفر
وكالو للحسين هناك موعطشان يوم الطف روايه وخانة : المصدر
وكالو للسجود إبتربه هم إشكال بس لله السجود إبهاي هم : إيظر!
وكالو غيبت المعصوم بدعة كول تهمونه روافض بيها : نتكفر
كالو وكلنه بحجينه إوياهم بتاريخ نتحاور أجنده الشيعه : والأزهر
بس عيف القلم وياك حد السيف لتحده وتسله وتذبح : المنبر!
إكتب لاتمس الوادم بعنوان وتكفر شعيره وحبرك : اليخسر
لتخلي الشماته إتلازمك تغريك وتعيب الموالي ومذهبه : الحيدر
شوف إنته بصفر آلاف هاي الناس طلابة أجر بزحوف من : تحضر
قيس إنته المسافه هناك بالأميال تلكاها بشموخ وهيبة : العسكر
ماتو بالطريق البارحه إبتفخيخ ولاهمهم كفر إرهاب لو : كشّر
هاي من الشعيره إتكمل العاشور وتصيغ الوفاء إجدامها : البلبّر
نسوان وشيوخ أطفال معلولين وياهم شعار الثار للمظلوم : يتثوّر!
لحسين بضمائرها إنكتب عنوان متعيفه وتموت الأجلّه : للمنحر
أختم للقصيده أبياتي مسك تكون وأطلب للشفاعه إبحرمة : المضطر!
نحب حسين إيمان وعقيده ودين ونمارس نهجنه بصوت : ياحيدر
تمت ولله الحمدهولنده2008مقصيدتي تكون في سياق الرد علىمقالة طالب الشرقي وهجومه على بعض الشعائر الحسينيه وتعرضه لسمعة خدام الحسين عليه السلام .
https://telegram.me/buratha
