( شعر : أبو أحمد الحداد المسعودي )
من أجل العقيدة إنبايعك يحسين نتكاتب عهد وياك وإنته أدره
على دربك نهج مكتوب بالإيمان أنصارك نظل ونضحي كل مرّه
كل كطرة دمه مرخوصه لأجلك جود منحرنه نذر : ونوافي للعتره
مانبخل لوّن يطلبنه بيكم ثار إنته الثار للكرار : وإنته الثار للزهره
يالإسمك سفينه وحبك الطوفان نبحر مايهمنه إبمده : لو جزره
يانور النبوّه وملكه للأحرار صرت إنته السفينه وشيعتك : بشره
ضريحك كل وكت شامخ مجد وبنور عرفانه الولاية إتشوّفه إبسرّه
مناراتك دليل عيون للزوار والراية العلامه إبدمك : الحمره
او صحنك لليحبك ملكه للخطار أسراب الحمام إوياهم : إبعبره
مايخفت ونين الناس من إتزور تلكاه إبعتبتك أوخّت : حسره
تبوس الباب وتصلي بدمع تنخاك تتنطر تريد جواب : متحيره
متحيره بزمان إيواكح الذباح والذباح ويانه يصف : كتره !
تبكه إنته الحسين وجدك المختار شهادتكم كرامه إعله النهج تقره
وتبكه إنته الحقيقه الصافحت تاريخ والتاريخ دومه إيدوّن : إبصبره
ياسر الوجود إتكامل إبكل جيل يبصمه بوثيقه ويمضي بالعشره
عنوانك محرم كل سنه وعاشور دمك عل الوطيه إتكاتب إبنحره
إذا ردت الوفاء إتصافح إويه حسين بالعباس شوفه وصورته إبدره
يعني إحنه النريده إبكربله عنوان من بن الصميده إنخطه ونذكره
من نلبس سواد ودوم حزنانين حزنه إعله الشهيد إمكدر : إبنزره
خل نجعل محرم خطوه للطيبين ونحابب بعضنه ونحسن العشره
والمنبر رساله إنصنفه إبعرفان خطيب إلنه يصير إلسان والنبره
ونذم الأناني الخاسر الوجدان
ونوحّد شملنه ونحتسب أجره !
تخط إعله الجبين أقلامنه إبإحسان والدفتر محرم يكتب : إبحبرّه !!
من أجل العقيده إنبايعك يحسين نتكاتب عهد وياك وإنته أدره !
تمت ولله الحمد هولنده2008م
https://telegram.me/buratha
