حيّ الله جنْد المرجعيّه الغانمه ... رْجال حيدر والحسين
نخوةِ العباس سبع النطره عفيه بلْيوث العراق المفخره
ذَلّو خوارج هالعصر بالموزمه ... رْجال حيدر والحسين
.
...........................
.
سيّد علي وْ كلّ المراجع قررت تنهي ظُلُم هالداعشيه الي طِغت
جْنود المراجع بالقرار تْحزّمت لبّت نداء الحق عله الله تْوكّلت
تْنادي بالثارات للدم الجره واليتامه والنسه المتأسّره
وتْطفّي نار امّ الشهيد المضرمه ... رْجال حيدر والحسين
.
...........
.
تكريت تشهد والرمادي الهالزلم ما همهم الصعبات حيهم والنعِم
من كل بغي وْطاغوت بيهم ننتقم لاتباع ابو سفيان رِجمَوهم رَجِم
صولةِ الابطال صولة حيدره جْيوش هالظلّام بيها مْحيّره
سَجِّل يتاريخ الامم هالملحمه ..... رْجال حيدر والحسين
.
...........
.
همّه الامل والمرتجه بْهاي المحن يكفونه شرّ الداعشيه اهل الفتن
ما صار مثله الهالحشد في هالزمن - اَمن العراق وْ شعبه بالحشْد ارتهن
هالحشد غانم عظيم المقدره عالعدو الغدّار الله مْدّره
وارجاله بسم الباري كلها مْحزّمه ... رْجال حيدر والحسين
.
...........
.
كل فاسد وْ كل خاين البا وْ نِهَب يتحاسب وْ ياخذ جزاءه المرتقب
واندفعه حقنه الصادره واللي نْسِلَب معروف نهجه الداعشي وْ مثله نْحسَب
والنشامه منّ اذانه تْجرجره هوّه ساس الهالمصايب والجره
متخلّي كل زمره وْ عصابه مجرمه .... رْجال حيدر والحسين
.
...........
.
ما نفترق غصبن عله كل ناصبي متوحّدين احنه شعب حرّ وْ وابي
جيش وْ حشد لا طائفي وْ لا مذهبي هذا الوطن محروس بالله والنبي
والنصر دوم النه ربنه مْيسّره واليِمِس تربة وطنّه نْوذّره
يا ويله من صعق الليوث الصارمه .... رْجال حيدر والحسين
.
https://telegram.me/buratha
