هكذا هو يوم ظهورك سيدي القائـــد

بقلم : بنت الجنوب

عم الفساد بكل كتر على كل تقي صار يلج

وبكل شبر من هالارض يختال طايش واهوج

صار الزمن ما بي طعم كلش مج

ويزيد من ظلم الزمن كل مفتي عندنا اعوج

وصار الحج وراح تكَضي ايام الحج

وهلال عاشورا طلع بنص السما يتلجلج

وثله قليلة تحوقل ويارب تدعو وتلهج

يظهر لنا صاحب زمانك دليلنا على المخرج

يزيح منها كل رجس والطهر يصبح منهج

عجل الهي جيته وبنور عكَله الكون خل يتوهج

لن فارس مثل الشمس على فرس بيضه اسرج

قرة عيون الشافته ولكل صدر مؤمن اثلج

بصوت صاح على الظلم والكون من صوته ارتج

واحنا طلعنا نهلي بي وننصره من كل درب من كل فج

روحي ياايام الظلم .. ايام القهر .. الجاي النا ابهج

على ايده كل متعسرة سهله يسيرة وتفرج ...

اشترك في قناة وكالة انباء براثا على التلجرام
https://telegram.me/buratha