عَزّي الولي الكرار حيدر ولينه
وانعه الكريم الطاهر ابن الامينه
.........................
بْسم الغدر صابوه للسبط الاكبر روح النبي المختار بده التفسر
بْطشت المنيّه افتات صار وْ تطشّر انسَمّ الحسن مغدور بارض المدينه
..............
ويَّ ابْن ابو سفيان رهنت عهدها كل ظنها لابنه تْصير لمّن وعدها
سمّت امام الدين خانت سندها تبعتِ ابن ميسون جعده اللعينه
..............
ينظر لخيّه حسين روحه وْ حبيبه ويْله خويه حسين عندك مصيبه
عْيالك يبو الاحرار تصبح سليبه وبْكربله يْذبحوك اهل الضغينه
..............
بعدك يخويه تصير زينب سبيّه للشام اختنه اتروح لابن الدعيّه
واتشوف الم واهات منّه وْ اذيّه وْتِْضي العمر حسرات تنعه وْ حزينه
..............
والرمله صدّ وْ ال حفظي الامانه قاسم يرمله يصْير فارس زمانه
بْهذا الدرع والسيف يضرب عدانه للظالم الغدّار جاسم يدينه
..............
مات الحسن مسموم موته مريعه بآل النبي الاطهار حلّت فجيعه
ماراعو الظلّام دين وْ شريعه فو الغدر والجور وْ مْسمْمينه
..............
سهام الحقد والغيض صابت نعشها جثّة كريم البيت منعو دفنها
هالحاله ابو الاحرار يعلم خبرها - يم جدّه مادفنوه مهجة نبينه
https://telegram.me/buratha
