ما ننسه لا والله دمعة رقيه
روح النبي المختار بت الزيه
...................
بْنار الحزن والاه يهمل دمعنه واعله العزيزه يْدوم مجلس حزنه
ماتبرد النيران يسعر جرحنه من ظلم ابن سفيان ابن الدعيه
...................
تْنوح اليتيمه تْريد والي امرها يحظر يجيها يْشوف حالة اسرها
من غاب ابو الاحرار محدّ يِسِرها - وْمابطّلت هالنوح صبح وْ مسيه
...................
وِبْمجلس الطاغوت تبي وْ تريده ماتدري بامره وْحيف حزّو وريده
واعله الرمح مرفوع راس العقيده - وينك يبويه تْصيح آنه السبيه
...................
فَزّت يعمّه تْصيح اَسمع كلامه وتْرد عليها اجواب فخر الامامه
راح بْسفر لِبْعيد راعي الشهامه يم جدنه والاطهار خير البريه
...................
عرضو عليها الراس صارت فجيعه من شافت المذبوح طاحت صريعه
انصرعت رقيه شْلون موته مريعه ناده العليل بْآه جتها المنيه
...................
من بيت ابو سفيان كلها المصايب منهم اساس الجور اصل النوايب
عادو علي الكرار اهله وْ رايب مْصاب رقيه يْدين ارجاس اميه
https://telegram.me/buratha
