.
. بْهاي ساعات الوداع - تعله صيحات العزاء
دْموم همّال الدمع - نْعزّي هادينه النبي
والزيه والولي - نْعزّي هادينه النبي
بالغاضريه بالغاضريه
.
. .............
هاي ساعات الفَزع بيها ابن طه انفجع
صوّبوه اهل البدع والضغينه
غدرو السبط وْ هله انذال شمر وْ حرمله
بْحقد اجوها الكربله والضغينه
زمرة اشرار وْ رعاع ذبحو ابواب الرجاء
وْذبحو ايات الشفع - نْعزّي هادينه النبي
بالغاضريه بالغاضريه
.............
اليوم زينب ودّعت فتية الهادي وْ دعت
بالليوث تْبرّعت والحبايب
للاله تْرجّته بالحسين وْ خيوته
وْكل صحابه النصرته والحبايب
ياخذ بْثار السباع صرخت بْهذا النداء
بْحس حزين وْ منفجع نْعزّي هادينه النبي
بالغاضريه بالغاضريه
.............
الكون يصرخ يا علي الليله ينصاب الولي
هالحزن ما ينجلي والشعاير
تبقه دوم وْ للابد - تنعه للسبط الاسد
والرضيع البِلْمهد والشعاير
تفضح اسباب الصراع شْلون سالت هالدماء
هالنهج ما ينطع - نْعزّي هادينه النبي
بالغاضريه بالغاضريه
.............
نلبس ثْياب الحزن لوب مجروحه وْ تئن
النوح صار بْكل مدن - والمواكب
تنعه ابن خير العمل حسين عطشان انتل
اعليه حزنانه المِلَل - والمواكب
بالارِض وبْكل بقاع الدنيه حزنت والسماء
بالغريب المنصرع - نْعزّي هادينه النبي
بالغاضريه بالغاضريه
.............
هذا ثار المنتظر يْطالب بْثار النَحر
يثور ويّاه الدهر عالنواصب
وْكل طواغيت الكفر اتباع اميّه والشمر
وْيتلو ايات النصر عالنواصب
وْيهدم حْصون وْ قلاع للكُفُر واهل البلاء
وْصوت عالي يرتفع - نْعزّي هادينه النبي بالغاضريه بالغاضريه .
.
https://telegram.me/buratha
