ربت ليالي احزان يوم الغاضريه
شِدّو الحزم شيعة علي الاعظم رزيّه
ذيعو الجره بْعاشور باولاد الزيه
وشْعملو الانذال باخيار البريّه
.........
اعله مْصابك بْعاشور حزنانه الرعيّه
نصبت مجالس نوح من هاي المسيّه
الطه النبي تْواسيه والحامي الحميّه
واتنادي يا ممظلوم يا روح الزيه
.........
مثل الجره بْطف كربله ما مر بالَازمان
يا قوم ذبحو للنبي ولده بْهالَاديان
وْخلّو عِياله ايتام فرّو بيها الَاوطان
زمره لعينه وْ ظالمه تلعنها الاكوان
.........
كل الجره والصار من شر البريه
بْيوم السقيفه وْ يوم طفّ الغاضريه
ما ننسه لا والله ثارات الزيه
وْ نكتب عله الرايات لا لابن الدعيه
.........
تْلو الشهر بلوب مفجوعه وْ حزينه
وْ واسو النبي المختار والهادي ولينه
يا شيعة الكرار وانصار الامينه
بْشهر الحزن عاشور دِينو ابن اللعينه
.........
شهر الحزن عاشور بيه ابشع جريمه
عالعتره والاطياب صارت يا هضيمه
مجلس عزاء وْ نوح كل شيعي يقيمه
يْعزّي النبي المختار والحرّه الكريمه
.........
تنعه الولي المظلوم دنيتنه وْحزينه
وْ تلعن ابو سفيان والزمره اللعينه
شهر الحزن عاشور ذبحو بي ولينه
ماراعو الانذال حرمه البت نبينه
.........
تلو الشهر ياناس وايّامه الحزينه
هلال الحزن والآه مجبل علينه
يرفع علم للثار كل بيت وْمدينه
ثار الولي الكرار والهادي نبينه
.........
شيعة علي بْعاشور مالومه وْ يونون
بْلوعه وْ الم ينعون للزهره يِعَزّون
مْصاب الذبيح حسين تنزف دمّ العيون
شهر المحرّم بيه مقروحهْ اِلِجْفون
.........
بشهرالحزن تنعاد لوعات المصايب
وْتلبس سواد الناس هيئات وْ مواكب
اكبر عزاء يْصير وِيْغيض النواصب
واسمه العزه طْويريج بي تله العجايب
.........
طف كربله بْعاشور مليانه الميادين
والشاهد عزه طويريج تحضر بي ملايين
تنعه الشهيد حسين واصحابه الميامين
وْتلعن ابن ميسون واتباعه الملاعين
.........
ركضة عزه طويريج ما منها ولَيْصير
المنظر عجيب بْكربله من يمضي ويْسير
بْعاشر محرّم ثايرِ الشايب وِلِزْغير
تْشاهد ملايين البشر بالمنظر تْحير
.........
نلعنهم بْكل يوم اولاده الاميّه
خْصوم النبي المختار واسياد البريّه
نْذمهم ابد منجوز كل صبح وْمسيّه
الشجره الخبيثه الظالمه وْساس الرديّه
.........
بحسين نْعزي بت حامي الحميّه
من هالليالي النوح من هاي العشيّه
مْصاب يبت خير الوره اعظم رزيّه
تْسجّلتي بالتاريخ صنتي اكبر قضيّه
.........
كل ما يهل عاشور نعل بيه الاعلام
كل شارع وْ كل بيت يحزن كلّ الاسلام
تعزي الوصي الكرار باولادهْ اِلِاكْرام
اوّلهم ابنه حسين والمدفونه بالشام
.........
تتبدّل الرايات من هاي المسيّه
راية ابو الاحرار والعباس اخيّه
اسود يصير اللون للرايه الابيّه
وْنهتف نريد الثار لاولاد الزيه
.........
متحضّره الشبّان بالعاشر تِطَبَّر
تْواسي الوصي الكرار وتْنادي يحيدر
تنعه الشباب الطاح قاسمها والَاكْبر
واعله الرضيع تْنوح شبل حسين الَاصغر
.........
بْصحنك يبو الاحرار تصرخ هالحناجر
يومك فلا ننساه لجْلك هالشعاير
مْصابك يظل مولاي يصدح عالمنابر
ماهمنه كل طاغوت لا جيشه وْ عساكر
.........
احزن يشيعي اليوم بيه اعلن حدادك
وْقيم العزاء وْ نوح عالبيه اعتقادك
عزّي البتول اليوم والبس بي سوادك
واهمل دموع العين عالحزنه بْفؤادك
https://telegram.me/buratha
