علي نفس النبي الهادي وَقَر به امامي وْمتّبع نهجه وَقِر به
علي الاهله وْاله آية وَقُر به ولي وْحجّه الوصي الكل البريّه
.........
علي وْباسمك رفعنه الراس والهام يبو الكلفات والصعبات والهام
امام وْللحجج نبراس والهام امير انت ابامر رب البريّه
.........
بطل هالامّه يا والي عِلمها علي عالم بالافلاك وْعَلمها
تحل كل مشكله وْ عندك علِمها صعب نوصف قواك العالميه
.........
بْعلي الكرار ربنه مَن علينه رضا الباري وْ رسوله مِن علِينه
نعم لو ما علي الدر مَن علينه اسالك نله مثله بْهالبريه
.........
مْنَ ابو بكر وْ عمر اعلن براءه الفعلهم شَخّصت سورة بَراءه
الغِصَب حق الوصي ماله براءه بْسقر كلمن بغض حامي الحميّه
.........
علي بْاعظم كتاب انصاغ بالنَص علي بْسيفه العدوّه يْجسمه بالنِص
علي المانزّل الراس وْ فلا نَص همام وْ هامته تْلوح الثريّه
.........
الشهد والعنبر بْعطره تِمَسّك لبو الحسنين بايع بي تِمَسّك
سقر متشوف لا نار ال تِمِسَّك رضا الباري الولايه الحيدريّه
.........
علي الدرّ المصفى شلون وصفاك - رفع شانك اله الحق وصفّاك
ربح كلمن اجه برحلك وصفّاك العلي علّاك يا حامي الحميه
....................................
....................................
خادم اهل البيت ( ع )
الشاعر الحسيني
سعيد الفتلاوي الطويرجاوي
https://telegram.me/buratha
