( للشاعر : ابو ميعاد الاسدي )
خليني ابجي فرح ارجوك لتلهيني
ابتعد عني ياحزن ويّه الفرح خليني
مبخوت ماازعل تره لورايد اتبجيني
من سنين ماشفت الفرح تايه ممحله اسنيني
دوّرتْ عني وضيّعتْ ولهسه ادوّر ويني
اني بحزن حزن الوطن ودموعي غسلت عيني
شفت العراق بهيبته وبسمه هتف
دجله وفرات وطيني
وبيد العراقيين مرفوع العلم والكون ماحاويني
آني الحضاره يازمن عُربي عراقي ومااصد عن ديني
آني العراقي المنغلب وانشد الملعب ماأظن ناسيني
وي غيري دوّرلك لعب
خسران من هسه يُبَه لورايد اتلاويني
هوّارنه اتناسه الحزن
ياهو الفكد امّه ولعب راويني ؟!
ونور البطل صد الهدف
من وجنتك يانور بوسه انطيني
من فرحته ادموعه تصب
يافرحه واهليه إله طشيني
ذوله اسود الرافدين الماركع
ياريح هذا اليوم متهزيني
يطويل العمر مابيع الوطن
لا و(الوطن ) لو فكرتْ ترشيني
يابو بشت بيش ابلشت
ولجرحي غير الكاس ميداويني
--------------------------------------------
مع التهاني وباقات الورود للعراق والعراقيين
ولإسود الرافدين بهذا الفوز المبارك / اخوكم الاسدي
https://telegram.me/buratha
