قصيدة يوسف

قصيدة الشاعر المبدع محمد أحمد المحاويلي

ما أشبه اليوم بالبارحه

يوسف والقحط مذكور بالقران

بس ياهو اليسولف عن وضع قحطي

أكص لحمي الجهالي من الفقر والعوز

خلص لحم البجسمي وحاير شانطي

فتاتيت الخبز ينطونا ماكو انصاف

وتعيش الدنيا كلها بخير من نفطي

أنا أول حضاره ومولد التاريخ

وأنا أول كتابه نكتبت بخطي

ما لازم أجوع ويمر بيه العوز

لأن عندي الفرات وما نشف شطي

ما اريدن قصور ولا رصيد ومال

أعيش أنا بسلام وهذا كل شرطي

اذا أطفالي تبجي كبالي من الجوع

يعني انتَ السبب مو اني من اخطي

عليك تكالبو يا وطن من كل صوب

والتظنه يحرسك كَام هم يسطي

تفرهد خير كَاعك واللصوص هواي واليفرهد يوصي القبله لا تبطي

غجيبه سهامهم شو كلهم يصيبوك ما بيهم غشيم ولا سهم يخطي

مقاماتي اتفرهد والحصص تنباع كَضت قسمة مقامي وصعدو البسطي

بعد بيمن تأمن كلهم ينهشوك

لازم على الشرطي تخلي ألف شرطي

اشترك في قناة وكالة انباء براثا على التلجرام
https://telegram.me/buratha