حلوه الدنيه

( للشاعر ابو احمد الحداد المسعودي )

حلوه الدنيه من تضحك لعند الكاع 

بزهور الجناين تحله والقداح بيه انواع 

بالوان الورود عطوره تفوح المسك تعزف لحن ويقاع 

وطيورالنوارس من تهيم بساع

تجفل علىالنهر عطشانه عشك الكاع 

والوادم تسولف تضحك بسمات 

تشتاق الولفه داعبه ترتاح بيه اطباع

ابقه انه اسامر بالنخيل الفاريكيته 

سنين بايام العمر ينذاع 

نايم بالغرب عشكانه روحي الوطن 

اكتب رسالة شرف يوميه بامل ووداع 

وارد انظم قصيده مخضره باوزان 

تطرب على البلابل من تغني الشجر اله شراع 

وارسم للطبيعه قصوره بالوان 

واتفنن رسمه وي الجمال وزينة الزراع 

كل شيت الطبيعه مرتب وموزون 

بس عمر اليهاجر كل وكت ركاع 

يظل يركع حياته ويندمج للغير 

يحسبوه ثقافه تشبع الاجياع 

يارب دخيلك من نمد جفوف 

عركانه كصصنه وتنزف الاوجاع 

يوميه بقرار يحاسبك ويدين 

مكطوعه الرواتب والمصير ضياع

اشترك في قناة وكالة انباء براثا على التلجرام
https://telegram.me/buratha