د.قاسم بلشان التميمي ||
سائق الكوستر فرحان الغضبان قال للركاب في الكوستر ( عمي بسبب الجو السيء و الاحتباس الحراري والجفاف والغبار والرؤية ضعيفة جدا لذلك راح اسوق على كيفي وببطيء جدا حتى لايصير حادث لاقدر الله وما اريد اسمع اي كلام منكم بأن اسرع في السياقة لان المهم سلامتكم)
فقال له احد الركاب واسمه ابو حقي( عيوني فرحان انت كل عقلك سبب الغبار والجفاف هو احتباس حراري )
فرد عليه فرحان الغضبان( عيوني ابو حقي هذا مو كلامي هذا كلام الانواء الجوية وكلام كل العالم)
وهنا تدخل راكب ثاني في الحديث اسمه ابو ستار وقال( يابه تتذكرون العام وأول العام من خبصونا بسد الموصل والفيضان وبغداد والمحافظات راح تغرك وطلع كل هذا كلام يراد منه بث الخوف والرعب واشغال الناس بقضية حتى لاينتبهون على المصايب التي هم فيها)
فرد عليه ابو حقي( كلامك صحيح ابو ستار حتى ان هذا الغبار والعواصف امر مدبر ومخطط له)
وهنا تدخل فرحان الغضبان وقال( عمي شلون يعني نقضي حياتنا بالشك والمؤامرة والله مسكين هذا الشعب )
وانتهت رحلة الكوستر لهذا اليوم بعد الشك بأن الغبار والعواصف مدبرة لاشغال الناس!!
ــــــــــ
https://telegram.me/buratha
