المقالات

استرخوا و واتهدوا ..!


ضياء ابو معارج الدراجي||

 

شايب سمع مراهق يمدح و يتمنى الزمن السابق(زمن المقبور صدام لعنة الله عليه ) .. انفجر و گله وليدي عزيزي:

انت ابوك من يگطع عنك النت يوم واحد يمكن تتبره منه و تروح لو تشرد لجارك لو صاحبك .. شحال بزمن صدام لو چنت عايش‌.. لا نت و لا تلفون و لا ستلايت .. و لا ريال و لا برشلونة .. و لا جواز و لا سفر .. و لا مندي و لا كنتاكي و لا دجاج و لا بيبسي و لا موز .. و لا سفرة و لا طلعة .. و دفتر الخدمة كون تخيطه بجلدك و ياويلك اذا مشايلة ..

هنة قناتين تلفزيون العراق و الشباب .. و قال القائد و قال زين الشباب عدي .. و تطفى الكهرباء ماكو لا مولدة و لا لايت شحن تشعل لالة و انت الممنون

البنطرون كل سنة تسويلك بي فيكة و قسم گاموا یصبغوه العندة سوبر هذا فايخ الاكثرية تخلصها بالريم و الكوستر و بعدين أجت الكيا و تشبع دخان لان الصالنصة بأمر من ربكم الاعلى تتعلى مترين

الحذاء لازم تعاملة كفرد من العائلة لأن عزيز و ما يتعوض تخيطه و تضربه بسامير المهم تحاول تخليه على قيد الحياة

الانشاء بالامتحان الوزاري كل سنة نفسه اكتب عن القائد .. و ياويل المدرس الماينطيك درجة كاملة

اخاف هسة گاعد ع السبلت و تشرب نرگيلة .. تری قبل هي مبردة زركة و على ساعة يطفر عليك السربس .. گشرها خايس و الواتر پم بعد اخيس

ذاك من ذاك اللي يشتري باكيت جگاير چان ابو الچنبر عارض خمس بواكيت و الناس تشتري جگایر مفرد

شوية تحسن الحال من دخل البيبسي .. ابو العربانة يخليلك خاشوگة مركّز وياها جرعة غاز منشطة و من تخلص يداريك شوية و ينطيك جرعة غاز اضافية ..

وليدي .. ترى احچي صدگ مگاعد اصنف .. اسأل العاشوها 

هاي نموذج بسيط جدا من المعاناة

تدرس 16 سنة وراها تدخل كلية بس في سبيل تقل خدمتك بالجيش سنة و نص .. و تخيل لعد شنو من ضيم

غير حرية الرأي .. اللي ممكن بكل بساطة تنعدم اذا إجاك الريس الله يحفظه بالحلم و ما صفگتله !؟

ماكو شغل و لا تعيين و نص الشعب جنود بالمکلفیة لو بخدمة الاحتياط و كل سنتين تلحگك خدمة احتياط شهر لو شهرين!

الراتب 3 الاف دينار مو سويسري .. طبع حسين كامل ورق جرايد .

استرخوا و واتهدوا ..! انتو اغلبكم بالسقوط چنتو نطفة مدري مضغه مدري علقة ..

 

ـــــــــــــــ

اشترك في قناة وكالة انباء براثا على التلجرام
https://telegram.me/buratha
المقالات لا تعبر بالضرورة عن رأي الموقع
اضف تعليقك
الاسم والنص والتحقق من الروبوت ضروري
الاسعار الرسمية للعملات مقابل الدينار
دينار بحريني 3846.15
يورو 1515.15
الجنيه المصري 76.39
تومان ايراني 0.03
دينار اردني 2040.82
دينار كويتي 4761.9
ليرة لبنانية 0.96
ريال عماني 3846.15
ريال قطري 401.61
ريال سعودي 389.11
ليرة سورية 0.58
دولار امريكي 1470.59
ريال يمني 5.84
التعليقات
Mustafa : الى رحمة الله ربي يعوضه الجنة ويصبر اهله وينتقم من القتلة المجرمين ...
الموضوع :
تشييع المستشار في الداخلية اللواء سحبان الوائلي
حوبة : ونسمي نفسنا دولة !! ومن نذكركم انراعي الدبلوماسية ونختار عباراتنا بدقة لان ندري همجيتهم وين اتوصل !!!!! ...
الموضوع :
هكذا اصبح البرلمان العراقي بعد دخول اتباع التيار الصدري ( تقرير مصور )
مواطن : هو هذا مربط الفرس مشتت بي مكر البكر وشر صدام ...
الموضوع :
حركة حقوق: الكاظمي يخطط لتغييرات سياسية وأمنية بالتواطؤ مع الامريكان
eetbgfdf : الكاظمي شخص منافق وهو احد وكلاء ال سعود الارهابيين في العراق يهدف لتحقيق مآرب ال سعود في ...
الموضوع :
النائب عن صادقون علي الجمالي : الكاظمي مرفوض جملةَ وتفصيلاً ولن يتم التجديد له
ليا ديب : هذه القصيدة روووووعة عنجد كتيرر حلوة ...
الموضوع :
قصيدة من وحي كربلاء
رأي : قلم رصين ... يدعو للاصلاح والتنقيح وان علا موج الجهلة ...
الموضوع :
الدين الاجتماعي
ابو اية : إبداع مستمر العزيزة موفقة يااصيلة ياانيقه استمري رعاك الله ...
الموضوع :
شَـراراتُ الفِتَــنْ ..!
bwdtyhgg76 : ان اراد ساسة السنة والاكراد البرزانيين ابتزاز قادة الشيعة في تشكيل الحكومة وعرقلتها من اجل الحصول على ...
الموضوع :
الإطار التنسيقي يطالب حكومة تصريف الاعمال بإلغاء الاوامر الادارية والتعيينات الجديدة
حمزه المحمداوي : الكلاديو ...
الموضوع :
منظمة (الغلاديو) السرية تم تفعيلها في العراق..!
ابو حيدر العراقي - هولندا : بسم الله الرحمن الرحيم اللهم صل على محمد وال بيت محمد علي وفاطمة والحسن والحسين . ربما ...
الموضوع :
بالفيديو ... في حديث شيق الاستاذ في الحوزة العلمية بالنجف الاشرف الشيخ احمد الجعفري لا تنساقوا وراء القائد الجاهل
فيسبوك